شوفو نهاية الشباب اللي يدخلون بنكات البنات؟

بسم الله الرحمن الرحيم"

الصراحه مالقيت مكان احط فيه الموضوع غير في قسم دجه وصرقعه لانه بصرااحه مررررره ضحكني،،

اخليكم مع السالفه....

شوفوا نهايه الشباب اللي يدخلون بنكات البنات؟

جراح ويوسف ربع من زمان وتعرفون المواقف والدقات اللي تصير بين الربع
بس هالمرة الموقف اللي سواه يوسف بجراح
موقف ضيع حياة جراح
خلونا نشوف أحداث هالقصة ويا بعض .. ..

**********

جراح كان داخل الجات بنك (( أدور على حب )) والحبيب داش جو مو طبيعي
وطايحله سوالف مع بنات خلق الله
إتصل عليه رفيجه يوسف ودار بينهم هالحوار

جـراح : ألووو
يوسف : ألووو هلا والله جراحووو
جـراح : هلا فيك حبيبي .. ها خير آمرني
يوسف : شنو آمرني .. ! تصرفني ويا ويهك
جـراح : لا والله بعد عمري إنت بس آنا منهمك بالجات قز قز مو طبيعي يويسف وناسة
يوسف : ممم خوش عيل شنو نكك .. ؟
جـراح : ليش بتدخل علي .. ؟
يوسف : لا والله آنا وين والجات وين خبرك عتيج ما قمت أدخل زهقت منه
جـراح : ممم والله آنا نكي (( أدور على حب )) تعرف يمكن أصيدلي رمااانة من هالفواكه الموجودين بالجات
يوسف : أي رمان وأي فواكة .. ! حبيبي هذول بنات مو خضرة لوووووووووول
جـراح : هههههااااااااااي
يوسف : أوكي حبيبي آنا ماشي الحين بروح أنام تامرني على شي .. ؟
جـراح : لا قلبي سلامتك نومة العافيه انشالله
يوسف : الله يعافيك .. تصبح على خير
جـراح : وإنت من أهل الخير
يوسف : باااي
جـراح : بااايااات

طبعا يوسف مافيه النوم وأصحى مني ومنكم بس أهو مجهز موقف ودقه محترمة حق رفيجه جراح

يوسف دخل الجات ودخل بنك (( أبي واحد يحبني )) يعني منتحل شخصية بنية
وقعد ينطر وينطر وياكل بطاااط و بيبسي
لما دخل عليه نك (( أدور على حب )) لوووووووووول
اللي أهو جراح

جراح المسكين ما يدري عباله بنيه صج لوووووووووول
ودار بينهم هالحوار

جـراح : مساء الخير
يوسف : مساء النور ياهلا
جـراح : شلونج شخبارج
يوسف : الحمدلله زينة .. وإنت شلونك
جـراح : آنا بخير دامج بخير
يوسف : دوم انشالله مو يوم
جـراح : تسلمين ما تعرفنا عليج يا حلوة
يوسف : معاك شيماء وإنت .. ؟
جـراح : عاشت الأسامي .. معاج جراح
يوسف : عاشت أيامك .. الله إسمك يهبل وااايد حلو ستاااااااااايل
جـراح : تسلمين من ذوقج .. مادري شلون بنام اليوم
يوسف : لا آنا قلت إسمك يهبل مو إنته .. وبعدين تنام ما تنام كيفك
جـراح : أووو ليش جذي تكسرين فيني .. آنا زعليت خلاص
يوسف : آسفة
جـراح : لا كلا واحد .. شيماء جم عمرج .. ؟
يوسف : 18 وإنت ؟
جـراح : 19
يوسف : العمر كله .. الله إنته أكبر مني
جـراح : طبعا طبعا .. يالله روحي سويلي بيض طماط بسرعة
يوسف : واي حدك واثق
جـراح : طبعا واثق .. شيومه شلون الجات معاج اليوم .. ؟
يوسف : يعني .. وبعدين تعال ليش تدلعني .. ؟ من عطاك الحق
جـراح : تنساني وتروح وحده وحده حتى أستوعب كلامك والجروح
يوسف : واااي ملاقة
جـراح : شيومة شيومة
يوسف : هلا خير
جـراح : لا بس قاعد أجرب الكيبورد .. لوووووووووول
يوسف : لوووووووووول .. تصدق عاد إنته تهبل تونس وااايد .. شكلك ما تحب ولا جربت الحب
جـراح : لا والله ما صار نصيب وبعدين ماكو اللي تستاهل أحبها
يوسف : إي والله صاج .. بس في بنات شحلاتهم يهبلون وأخلاقهم وايد حلوه
جـراح : إي شيومة في بس قتلج للحين ما صار نصيب
يوسف : إنت مشالله عليك روحك حلوه تضحك وتونس الله يخليك حق أهلك
جـراح : صج .. ؟
يوسف : إي والله صج .. آنا ما حب أجامل أحد
جـراح : بعد عمري والله
يوسف : شنو .. ؟
جـراح : آسف إطلعت عفويه من غير قصد
يوسف : لا عادي
جـراح : ممم أنا ما أشوفج تضحكين وايد ليش .. ؟
يوسف : إي والله صاج آنا ما أَضحك وايد حياتي تعاسه بتعاسه
جـراح : أفا ليش .. ؟
يوسف : إنت لما قلتلي بعد عمري آنا وايد استانست بس ما حبيت أبينلك .. آنا محد يقولي
مثل هالكلام .. أهلي بالبيت يعاملوني جني خدامه مو بنتهم
جـراح : كل هذا فيج
يوسف : وأكثر من جذي
جـراح : تصدقين ودي أسمع منج وايد سوالفج ما تنمل بس آنا الحين لازم أروح .. ممكن طلب ..؟
يوسف : تفضل
جـراح : ميخالف أضيفج عندي بالإيميل هذا إذا ما عندج مانع
يوسف : والله مادري شقولك .. آنا ما أضيف شباب عندي
جـراح : بس آنا مو من هالشباب وإنشالله ما تشوفين مني إلا كل خير
يوسف : أدري .. وإنت مبين عليك خوش صبي وآنا بضيفك وإنشالله ما أشوف منك قاصر
جـراح : لا إنشالله ما تشوفين مني إلا كل خير
يوسف : عطني إيميلك وآنا أضيفك
جـراح : أوكي هذا إيميلي .......... متى تضيفيني .. ؟
يوسف : إنشالله الحين
جـراح : أوكي آنا طالع الحين تامريني على شي .. ؟
يوسف : سلامتك
جـراح : أشوفج على خير إنشالله .. مع السلامه
يوسف : الله يسلمك

**********

فلم يوسف مشى على جراح المسكين

وجراح عاش بوهم
ويوسف ما تاب صار يسولف مع جراح كل يوم بالمسنجر
وطبعا يوسف للحين منتحر شخصية شيماء
وجراح المسكين عاش بأجواء الحب وتولع بشيماء
وطلب يشوف صورتها
والثعلب يوسف مضبط شغله
حط حق جراح صورة بنية حاطه شيله على راسها وهالبنيه حلوه وايد
وجراح لما شاف الصوره لا ليله ليل ولا نهاره نهار
خلاص إنفجر
الحب سيطر عليه من كل مكان
وصار ينفذ أوامر شيماء أقصد يوسف

وهالدقه اللي مسويها يوسف تتوقعون جم إستمرت .. ؟

سـنـة كـامـلـة

يوسف للأسف ما مل من هاللعبه
سبحان الله
جراح يبجي وما ينام الليل من كثر الشوق واللهفه والحنين اللي فيه
وينطر متى يصير باجر عشان يسولف ويا شيماء
أقصد الوهم

ويوسف الله يسامحه
ميت من الضحك عليه

**********

يوسف قام يحلي اللعبه
صار ما يشبك
وطبعا جراح المسكين قام يحاتي ويدز إيميلات
ويوسف ميت ضحك
جراح صار واحد ثاني
ما يطلع من بيتهم
كلا قاعد بداره
يتخيل صورة شيومه حبيبته
يتخيل سوالفها
دلعها
روحها الحلوه
ويبجي ويبجي

**********

بعد شهرين

شبك يوسف
وجراح طار من الفرحة
قال حق شيوم ليش ما تشبكين .. ؟ وشرحلها شوقه وحنينه
وقاموا يسولفون
جراح ما قدر يصبر
قال حق شيوم أبي رقمج بكلمج بالتلفون
شيوم إرفضت تدرون ليش .. ؟
لأن صوتها خشن

لوووووووووول

اللي أهو صوت يوسف هالتعبان اللي ما يستحي

فقررت شيوم إنها تواعد جراح
ودار بينهم هالحوار

جـراح : حياتي يعني الحين شلون ماراح أسمع صوتج .. ؟
يوسف : حياتي لا تزعل روحك جذي .. أنا عندي فكرة
جـراح : شنو .. ؟
يوسف : شرايك تشوفني .. وبجذي راح ناخذ على بعض أحسن من التلفون بألف مرة
جـراح : من صجج إنتي .. ؟
يوسف : إي والله من صجي
جـراح : الله وناااااااااااسة
يوسف : وآنا شبي غير وناستك يا بعد عمري
جـراح : حياتي والله .. إنزين شيومتي أي مكان راح أشوفج فيه .. ؟
يوسف : ممم شوف الساعة 9 بليل بالحديقة شرايك
جـراح : صار بس شنو راح تلبسين .. ؟
يوسف : ممم راح اكون لابسه شيله ونقاب وعبايه
جـراح : وي وي وي ليش كل هالعذاب .. ؟
يوسف : حياتي عشان ما أبي احد يشوفني
جـراح : أوكي حياتي صار

جراح طبعا ما يحتاي أوصفلكم شعوره

الأخ المسكين راح الصالون ما خلا شي ما سواه بويها
سنفرة وتنظيف بشرة وحلق وظبط شغله وكشخ
وراح الحديقه الساعه 5
ينطر الساعه تصير 9 عشان يشوفها
مسكين كل هذا حب .. ؟
قاعد ينطر وينطر
وأخونا الشيطون الثاني يويسف
رايح بازار فحيحيل يشتري دراعة وعباية وشيلة ونقاب

قرب الموعد

يوسف لبس الدراعة وتعطر من عطر حمامهم
ولبس الشيله والنقاب والعبايه
والأخ يعني صايد الحركة
راح كحل عينه

هههههههههههههااااااااااي

صارت الساعة 9 بليل

راح يويسف الحديقه وقعد بالكرسي
نزل جراح من السياره وغرق روحه بالعطر المسكين
دخل الحديقه وقام يدور على وحده منقبه وعبايه
لقاها قاعده آخر شي
قرب صوبها
وبدأت ساعة الصفر

طبعا يوسف ما خلا عسل ما شربه عشان ينعم الصوت

ومشت على جراح لعبة الصوت
لأنه منهمك بالحب ولا ركز على هالشغلات
ودار بينهم هالحوار

جـراح : قوة
يوسف : قوتين يا هلا
جـراح : إنتي شيوووم .. ؟
يوسف : إي آنا شنو ما عرفتني
جـراح : لا أعرفج بس حبيت أتأكد
يوسف : والحين تأكدت .. ؟
جـراح : إي بعد عمري تأكدت
يوسف : واااي على هالحجي الحلو
جـراح : سمعيني شيوم آنا أموت فيج أحبج وااايد وااايد مستعد أذبح روحي عشانج
يوسف : بعد عمري لا تقول تذبح روحك .. سملة عليك
جـراح : حياتي عفيه بكلمج بالتلفون
يوسف : آنا ودي أكلمك بس ماقدر ماقدر
جـراح : ليش .. ؟
يوسف : تلفوني مافيه رصيد كلش
جـراح : لا يا عمري آنا راح أتصل عليج مو إنتي
يوسف : حياتي إنتا ما تقدر تتصل علي لأن خطي مصفر مافيه ولا فلس وراح يطلعلك
(( لا يمكن الإتصال على المشترك حاليا ))
جـراح : أوكي خلاص اليوم روحي إشتريلج كرت وعبي
يوسف : من وينلي فلوس .. ؟ أبوي ما يعطيني ولا أمي مادري شفيهم علي هالأيام
جـراح : ولا يهمج حياتي دقايق بروح أشتريلج كرت وأرد
يوسف : لالا مابي أكلف عليك
جـراح : لا عمري لا كلافة ولا شي و إنتي مني وفيني

راح جراح يشتري كرت حق شيوم
وطبعا الأخ الفاضل يويسف
رفع النقاب
ويها عرق

قام يستنشق الهواء
وأهو ميت ضحك
شاف جراح ياي من بعيد
غطا ويها
وصل جراح
ودار بينهم هالحوار

جـراح : هاج عمري هذا الكرت
يوسف : وي وي بعد عمري مشكور ما قصرت
جـراح : أفا عليج جم شيومه عندي

يوسف ما قدر يستحمل
فصخ النقاب والشيله
وشوفوا شصار

جـراح : يو يوس يوس يو يوسس يوسف .. ؟
يوسف : كاااااااااااااااااااااااااااااااك يالخرووووووووووووووووووووووووووووووف

*********

شنو تتوقعون موقف جراح ..؟
من بعد القصة اللي عاشها والسنة اللي خذاها بالحب والشوق والحنين
لشيماء اللي إطلعت وهم
وهالحب الوهمي اللي بناه وفكر إنه يوصل للزواج
كان لعبة من رفيجه
جراح إنصدم وظل واقف بمكانه ما يتحرك
ريوله تهتز مو قادره تشيله لما طاح وأغمى عليه
يوسف خاف على جراح وشاله ووداه المستشفى
وللأسف جراح ياله إنهيار عصبي وصار مينون وبظل طول عمره بالمستشفى

ظاعت حياة جراح ظاعت

ولو كانت شيماء حقيقة جان شفتوا حياة جراح
أحلى حياة لأن هالولد نيته شريفة وحب من قلبه
ويوسف كثر ماكان يضحك على جراح
صار يبجي ويبجي ويبجي
وحلف إنه ما يسامح نفسه طول عمره

لكن بعد شنو...............؟؟

الشباب احيانا يصير مزحهم ثقيل
الله يهديهم
مشكوره يالغاليه

يسلموووووو توآآصلكـ معي حبيبتي Wink

صحيح مزح ثقيل
يعني ساعات يمزحوو بدوون مايفكروو ويش ممكن يصير من هالمزح
الله يهديهم ويهدينا وياهم
مشكووره غاليتي ع الموضووع الحلوو..
تحياتي..

يسلمووووووـو ع التوااصل الحلوو غلاتي والمروور الاحللى...

ترقبو المزيد والجديد المميز..

هههههههههههههههههه

يستاهل

احد يحب وحدة على النت لا يعرفها ولا تعرفا
لا ويتزوجها وكل واحد ما يعرف عن الثاني شي

كل الي يعرفو عن بعض الأسم الأول بعد حتى العايله او القبيله مايعرفوها

صحيح جنون

هذه عبره للجميع

يسلمووووووـو ع المرووـور يالغـالي...

نوورت صفحتـي بوجودكـ...

يسلمووو ع المووووضوووع الحلللووو
تحيتي ..همس القلووب

يسلمووو ع المروور الرووعه غلاتي..

يسلموووو على الطرح الحلو

يسلموووووو ع المروور المتـوآآضعـ

» مصرقع معصب فتح منتدى شوفو الشرووووط.........؟؟؟؟؟ لايفوتكم!!!!!!
» خمن اللي بعدك لابس اي لون
» اللي يوصل رقم ((7))يصير دلوع المنتدى
» # أصوات البنات تنشط المخ........
» الفرق في الاكل بين البنات والشباب